Komiteti Ekzekutiv :Vendimet date 17.06.2009

KE i FSHF-se mori në shqyrtim kërkesën për ndryshimin e formulës së kampionatit kombëtar të Kategorisë Superiore

Komunikatë për shtyp 

Komiteti Ekzekutiv i Federatës Shqiptare të Futbollit, në mbledhjen e tij të datës 16.06.09, mori në shqyrtim kërkesën për ndryshimin e formulës së kampionatit kombëtar të Kategorisë Superiore dhe vendosi:

1. Të ngrihet një grup pune i përbërë nga anëtari i Komitetit Ekzekutiv, zoti Skënder Hyka, Sekretari i Përgjithshëm i FSHF, zoti Eduard Prodani, i cili do të marrë kontakt me klubet e Kategorisë Superiore dhe të Parë. Mendimi i tyre, në lidhje me ndryshime në strukturën e kampionatit, do të përcillet në mbledhjen e ardhëshme të Komitetiteti Ekzekutiv.
2. Të njoftohet UEFA (të cilës i është deklaruar struktura e kampionatit) për opinionin dhe kërkesat e klubeve.
3. Komiteti Ekzekutiv miratoi gjithashtu kërkesën, për fillimin e kampionatit të parë të futbollit për femra, që do të startojë në muajin tetor.