Vendimet e Komitetit Ekzekutiv

Miratimin e shpërblimeve për klubet fituese në të gjitha kategoritë, për edicionin e ri futbollistik 2008-2009

Vendimet e Komitetit Ekzekutiv

Komiteti i Ekzekutiv i Federatës Shqiptare të Futbollit i mbledhur më datë 24.09.2008, mori këto vendime:

1. Miratimin e shpërblimeve për klubet fituese në të gjitha kategoritë, për edicionin e ri futbollistik 2008-2009.

Ato do të jenë si më poshtë:

1. Ekipi fitues i titullit kampion, për Kategorinë Superiore do të marrë shpërblim 65 mijë Euro.
2. Ekipi fitues i Kupës së Republikës, do të marrë shpërblim 40 mijë Euro.
3. Ekipi fitues i titullit kampion për kategorinë e parë, do të marrë shpërblim 25 mijë euro.
4. Ekipi fitues i titullit kampion për kategorinë e dytë, do të marrë shpërblim 10 mijë euro.
5. Ekipi fitues i titullit kampion për kampionatin e U-19, do të marrë shpërblim 4 mijë euro.
6. Ekipi fitues i titullit kampion për kampionatin e U-17, do të marrë shpërblim 3 mijë euro.
7. Golashënuesi më i mirë i kampionatit të kategorisë superiore, do të marrë shpërblim prej 2 mijë Euro.

(Me përjashtim të shpërblimit të golashënuesit që do të jepet me çek, dhe të ekipeve U-19 dhe U -17, që do të jepen në bazë materiale, shpërblimet e tjera do të përfitohen nga projektet që do të paraqesin klubet dhe do të jepen në trajtë investimi).

1. Uljen e dënimit për fushat e ekipeve të Tepelenës, Ilirisë, Delvinës, dhe Përparimit. Për shkak se kanë shlyer më tepër se gjysmën e dënimit por edhe për shkak të vështirësisë për gjetjen e terreneve sportive, këto ekipe, ndeshjet në vazhdim, do t’i luajnë në fushat e tyre, por pa spektatorë.