Presidenti i Republikes i ftuar nga Platini ne finalen e Romes

Shkëlqesia e tij, Bamir Topi. Ai do të jetë i ftuar special i Presidentit te UEFA-s Michel Platini.

Federata Shqiptare e Futbollit njofton me kënaqësi të veçantë opinionin publik, se në finalen e Ligës së Kampioneve, që luhet të mërkurën në Romë, do të jetë i pranishëm edhe Presidenti i Republikës, Shkëlqesia e tij, Bamir Topi. Ai do të jetë i ftuar special i Presidentit te UEFA-s Michel Platini. Kjo ftesë që ka mbërritur fizikisht, keto ditë në Tiranë, i është deklaruar Presidentit Topi, gjatë vizitës që z. Platini zhvilloi në nëntor 2008 në Tiranë.
Prania e Presidentit të Republikës së Shqipërisë në Tribunën VIP, të stadiumit Olimpico të Romës, do t’i shtohet asaj të personaliteteve të larta shtetërore si Mbreti Huan Carlos i Spanjës, Kryeministri anglez Gordon Brown, etj.
Presidenti Bamir Topi, njihet nga të gjithë, si një dashamirës i vjetër futbolli dhe mbështetës i këtij sporti dhe zhvillimit të tij në Shqipëri.