Komunikatë mediatike

FSHF i ben thirrje të gjithë faktorëve që ndikojnë në rritjen e nivelit të futbollit në Shqipëri, që të bëjnë maksimumin për ruajtur vlerën e lojës, cilësinë dhe “Fair Play”.

Federata Shqiptare e Futbollit, e shqetësuar për ngjarjet e javës së parafundit në Kategorinë Superiore, në lidhje me tolerimet e ekipeve të Kategorisë Supeoriore, deklaron se:

1. Në vazhdimësi e ka luftuar këtë fenomen, duke synuar më të mirën, vazhdimësisë së garës dhe “Fair Play”.
2. Të gjitha strukturat e saj, punojnë çdo ditë, për të ruajtur vlerën e lojës dhe përpiqen të kontrollojnë, që gara të jetë sa më e pastër. Pikërisht për këtë, kemi marrë vlerësimet maksimale nga e gjithë media, specialistët dhe institucionet ndërkombëtare. Konfirmojmë, që është pranuar nga të gjithë, që dy-tre vjetët e fundit, kanë qenë më të bukurat dhe më të ndershmet e arritura në këto 20 vjetë.    
3. Ka dërguar inspektorët e saj të Disiplinës, për të kontrolluar garën dhe për të sjellë materiale të vlefshme, të cilat do të merren në konsideratë nga komisionet përkatëse. Për ndeshjen Shkumbini – Bylis, një komision i FSHF-se, ka qenë i pranishëm dhe popërgatit një material i cili do t’i kalojë KDS. Po kështu do të veprohet edhe për disa ndeshje të tjera...S’ i gjithmonë, duke premtuar transparencë.
4. Federata Shqiptare e Futbollit, i bën thirrje të gjithë faktorëve që ndikojnë në rritjen e nivelit të futbollit në Shqipëri, që të bëjnë maksimumin për ruajtur vlerën e lojës, cilësinë dhe “Fair Play”.