Newsletter
Email:
Poll: Kombëtarja: 6 pikët e rradhës
Do te fitoje ekipi kombetar dy ndeshjet e rradhes?
All polls
Gjithsej ne faqe: 10
Vizitor: 10
Antare: 0
Hyrje | Kombetarja | Legjionaret:Jave pozitive

Legjionaret:Jave pozitive

03 November, 2008 06:20:00
Madhesia e germave: Decrease font Enlarge font
image

Lojtaret e ekipit kombetar jane aktivizuar ne skuadrat ku aktivizohen ne ndeshjet e kesaj jave

 

 

 

Beqaj e bën Anorthosin ekipin e 15 ne Europë

Anorthosis i Arjan Beqajt është renditur midis 20 ekipeve më të mira të Europës që marrin pjesë në Ligën e Kampioneve. Renditja është publikuar nga televizioni “Eurosport”. “Zonja”, siç thirret Anorthosis në Qipro ndodhet saktësisht në vendin e 15-të me 15.33 pikë. Në vend të parë është Barcelona me 26.88 pikë, e ndjekur nga Liverpuli me 24.67 pikë e Çelsi me 23.17 pikë. Pa dyshim që përformanca e portierit të Kombëtares shqiptare ka ndikuar jo pak. Anorthosis në tre takimet e parë në Ligën e Kampioneve ka arritur të grumbullojë 4 pikë: 1 fitore, 1 barazim e 1 humbje.

 

Fiton Marseja e Lorik Canës

"Mund të jemi të kënaqur". Trajneri i Olimpikut të Marsejës, belgu Erik Gerets nuk e fshehu lumturinë e tij pas fitores 3-1 kundër Sënt Etienit në kampionatin francez. "U rinisëm", shkruante me të madhe faqja zyrtare e klubit. Loriku luajti gjatë gjithë 90 minutave, teksa golat për Marsejën u shënuan nga Shejru, Ben Arfa (me penallti) e Taivo.

Marseja e kapitenit shqiptar Lorik Cana tashmë është e qetë psikologjikisht të përgatisë ndeshjen e radhës në Ligën e Kampioneve kundër holandezëve të PSV Eindhoven, nga rezultati i së cilës do të vendoset edhe fati i mëtejshëm i të vetmit klub francez që ka fituar trofeun më të rëndësishëm europian për klubet.

Barazon SV Ried i Hamdi Salihit

Riedi dhuron fitoren në Klagenfurt. Ky ishte titulli i faqes austriake Nachrichten.at, pas barazimit 1-1 në transfertë të SV Ried kundër Klagenfurtit, në ndeshjen e vlefshme për javën e 15-të Bundesligës austriake. Skuadra e Hamdi Salihit shënoi e para pa kaluar pesë minuta nga ndeshja me anë të Tomas Burgshtaler, pror vendasit barazuan me anë të një goditje të lirë nga Sandro në mintutën e 54-t. Sulmuesi shqiptar hyri në lojë në minutën e 62-të, duke zëvendësuar Drekselin. 

Lala fiton, Skela e Kapllani humbasin

Altin Lala me shokë bëjnë gjëmën. Hanoveri fitoi 3-0 kundër Hamburgurt dhe kapiteni i Kombëtares shqiptare, si rrallëherë në këtë sezon ka luajtur gjatë gjithë takimit, duke u rikthyer në lojën me nivel të lartë. Shulc, Shlaudraf e Shtajner ishin dhe vrasësit e ish-skuadrës së Besart Berishës.

Energi Kotbusi i Ervin Skelës humbi 2-0 në shtëpi me gjigantët e Shalke 04. Fantazisti shqiptar luajti gjatë gjithë takimit, por pa mundur të shpëtojë skuadrën e tij nga humbja.

Edmond Kapllani e ka shijuar nga bankina humbjen therëse 4-1 të Karlsruhes me surprizën absolute të kampionatit gjerman, Hofenhaimin.
 

Hidi e Rrustemi marrin pikë

Portieri Isli Hidi e mbrojtësi Blerim Rrustemi i dhuruan një barazim të çmuar në transfertë skuadrës së tyre, Alki Larnaka në barazimin 1-1 me Atromitos Geroskipu në kampionatin qipriot. Të futbollistët shqiptarë luajtën gjatë gjithë takimit. Sipas portalit qipriot, protathlima.com.cy, ishte një barazim që nuk i kënaqi asnjërin nga dy ekipet, pasi Atromiosit “priste me gojë hapur” fitoren.

Diavara shënoi me penallti në minutën e 24-t për ekipin e dy shqiptarëve, ndërsa tri minuta më pas barazoi Haxhis.

Anorthosis Famagastua e Arjan Beqajt fitoi të premten 2-0 kundër Apop Kinirasit. Kosovari ishte në portë. Omonia Nikosia e Klodian Duros do të luajë të dielën kundër Apep-it.
 

Gilman Lika dhe Admir Teli titullare, Xhevahir Sukaj zevendesues

 

Tre futbollistet shqiptare qe luajne me Haccetepe ne kampionatin turk Super Lig u aktivizuan ne humbjen qe skuadra e tyre pesoi ne shtepi me Konyaspor, nje nga rivalet kryesore te tyre nerenditjen aktuale. Miqte fituan 1-2. per skuadren e Haccetepe u aktivizuan Lika dhe Teli si titullare gjate gjithe takimit, ku Lika pati dy aksione shume te bukura por ne njerin gjuajtja e tij perfundoi jashte. Skuadra e shqiptareve udhehiqte 1-0 deri ne pese minutat e fundit te takimit dhe pesoi dy gola te menjehershem qe permbysen rrezultatin. Teli u paraqit mire ne mbrojtje, ndersa ne pjesen e dyte u aktivizua edhe Xhevahir Sukaj. Kjo ishte humbja e peste per Haccetepe ne 9 ndeshje dhe skuadra ndodhet ne vendin e 14-te me 8 pike

 

Komente (0 publikuar):

KOMENTONI - Duhet te jeni antare per te bere komente comment

  • email Email shokeve
  • print Printo
  • Plain text Vetem tekst
Fair Play